IKA -5 TAON NG 11/11/14 AMPATUAN MASSACRE KAMUSTA NA ?.

(KOLUM) BALIKTANAW

IKA -5 TAON NG 11/11/14

AMPATUAN MASSACRE KAMUSTA NA ?.

NI: Michael “Mitch” C. Santos

SUBIC BAY PILLARS

MALAPIT nanaman ang Nobiyembre 23 sino ba ang nasa alagad nang pagbabalita o midya ang makakalimot sa araw na ito.

Nobyembre 23, 2009 ng nangyari ang karumal-dumal na krimen sa kasaysayan ng Pilipinas, ang Maguindanao Massacre. Ang mga suspek, ang pamilya Ampatuan. Isa sa pinakamaimpluwensya at makapangyarihang angkan sa rehiyon ng Mindanao. Ang mga biktima, ang pamilya ng karibal sa pulitika na pamilya Mangudadatu at kasama ang mga media personalities na inimbitahang i-cover ang pag-file ng pagtakbo bilang gobernador ng probinsya ng Maguindanao na si Ismael “Toto” Mangudadatu. Ang resulta, 58 ang patay na inilibing sa isang mass grave kasama ang mga sasakyan.

32 sa mga napaslang ay pawang alagad ng midya. Kung kaya' t kinilala ang insedente bilang “pinakamalagim na araw ng kasaysayan sa pamamahayag.” Ang masaklap mapa- hanggang ngayon, ay wala pa ring nananagot sa kaso ng pagmasaker patuloy na naghahanap ng hustisya ang pamilya ng mga biktima at kaming mga mamahayag.

Bago pa man maging Presidente si Benigno 'Noynoy' Aquino III, nangako siya na kung mauupo sa puwesto ay bibigyan ng katarungan ang mga biktima ng Ampatuan masaker. Ngunit sa loob ng mahigit 3 taong panunungkulan ni Aquino ay tila Hindi umuusad ang kaso, wala pa ring nananagot, Walang katarungan.

Nangangamba ang marami na baka, mauwi lamang ito sa wala at patuloy na mabaon sa limot lalo na' t patuloy ang pagdagsa ng iba' t – ibang sugat at troma sa ating bansa gaya na lamang ng mga kalamidad, iba't- ibang krimen at malalaking awayan o anomalya sa gubyerno dahil na rin sa kapabayaan ng iilan na mabigyan ng hustisya at katarungan ang masamang karanasan na kumukulili sa ating isipan at damdamin. Bunsod ng Amapatuan Massacre.

Ang hamon na lamang sa atin, huwag sana tayong mapagod sa paggunita sa labang ito, huwag sana tayong mawalan ng pag- asa at tiwala na mahahatulan ang pangunahing akusado at mga kasabwat nito sa pagpaslang sa 58 indibidwal, kabilang na ang 32 midya bago matapos ang termino ni Pangulong Aquino sa 2016.